ABŞ dollarının zəifləməsi fonunda neft bahalaşıb

Dünya bazarlarında neftin qiyməti artıb. Bahalaşmanı dəstəkləyən əsas amil ABŞ dollarının digər valyutalara nisbətdə ucuzlaşmasıdır.

“Report” birjalara istinadən xəbər verir ki, Şimal dənizində hasil olunan “Brent” markalı neftin sentyabr fyuçersləri 0,66 % bahalaşaraq 1 bareli 101,83 ABŞ dollara satılıb. "WTI" markalı neftin sentyabr fyuçerslərinin qiyməti isə 0,45 % artıb və 1 bareli 95 ABŞ dolları təşkil edib.

ABŞ dollarının indeksi 0,16 % düşərək 107,89 bəndə enib. Ucuz ABŞ dolları xammal materiallarını, o cümlədən nefti başqa valyutalarla alış üçün əlçatan edir.