ABŞ-da neft buruqlarının artması neftin qiymətini ucuzlaşdırıb

Bakı. 18 noyabr. REPORT.AZ/ Birləşmiş Ştatlar ərazisində neft buruqlarının sayının artması barədə xəbərlər fonunda "qara qızıl"ın qiyməti düşməyə başlayıb.

"Report" xəbər verir ki, ICE birjasında "Brent" markalı neftin yanvar fyuçersləri hesabatın dərc olunmasından sonra 0,35 dollar ucuzlaşaraq bir barelə görə 46,26 dollar təşkil edib.

WTI-nin dekabr fyuçersləri isə 0,3 faiz ucuzlaşıb və bir barel üçün 45,13 dollara bərabər olub.

ABŞ-da qazma qurğularının sayı həftə ərzində 20 ədəd artaraq 588-ə çatıb. Neft buruqlarının sayı 19 ədəd (471), qaz buruqlarının sayı isə 1 ədəd (116) artıb.