Təhsil krediti almaq üçün müraciət edən tələbələrin sayı açıqlanıb

Bu günə olan məlumata əsasən, təhsil tələbə krediti üçün 5000 müraciət daxil olub.

"Report" xəbər verir ki, bunu Təhsil Tələbə Krediti Fondunun İdarə Heyətinin sədri Araz Paşayev deyib.

Onun sözlərinə görə, həmin müraciətlərdən 1945-nə müsbət rəy verilib.

Sədr bildirib ki, 1200 müraciət emal olunub və onların rəsmiləşdirilməsi yaxın iki həftədə baş tutacaq: "Təxminən, 400-ə yaxın müraciət texniki baxımdan tamamlanmayıb".

Qeyd edək ki, kreditlərin verilməsi üçün müraciətlərin qəbulu ötən il noyabrın 25-də başlayıb.