Daha bir beynəlxalq dil sertifikatına malik olanlar doktoranturaya xarici dil üzrə qəbul imtahanından azad olunublar

Doktoranturaya xarici dil üzrə qəbul imtahanından azad olunmaq üçün magistrların malik olduğu beynəlxalq dil sertifikatlarının sayı artırılıb.

"Report" xəbər verir ki, bu, Baş nazir Əli Əsədovun imzaladığı qərarla “Doktoranturaların yaradılması və doktoranturaya qəbul Qaydaları”nda edilən dəyişiklikdə öz əksini tapıb.

Qərara əsasən, xarici dil üzrə "Cambridge English Qualifications" beynəlxalq dil sertifikatına malik olanlar xarici dil üzrə qəbul imtahanından azad olunublar.

Belə ki, indiyədək xarici dil üzrə yalnız IELTS, TOEFL, TestDaF, DELF, DALF və STANAG beynəlxalq dil sertifikatına malik olanlar xarici dil üzrə qəbul imtahanından azad olunurdular.