Bu il Ukrayna ali məktəblərinə qəbul olan Azərbaycan vətəndaşlarının sayı açıqlanıb

2023-cü ildə Ukrayna ali məktəblərinə qəbul olan Azərbaycan vətəndaşlarının sayı açıqlanıb.

"Report"un Şərqi Avropa bürosunun sorğusuna cavab olaraq Ukrayna Elm və Təhsil Nazirliyindən bildirilib ki, bu il ölkənin ali təhsil müəssisələrinə Azərbaycan vətəndaşı olan 1044 tələbə qəbul olunub.

Onların böyük əksəriyyəti Ukraynanın qərb vilayətlərində yerləşən ali məktəblərə sənəd veriblər. Boş qalmış yerlərə qəbul ilin sonuna kimi davam edəcək.