Biləsuvarda ilk dəfə “Məktəblinin dostu” layihəsinin test imtahanı keçirilib

Biləsuvar rayonunda “Məktəblinin dostu” layihəsi üzrə məktəblinin dostu vəzifəsinə işə qəbul müsabiqəsinin test imtahanı mərhələsi keçirilib.

"Report"un Muğan bürosunun məlumatına görə, imtahan Biləsuvar şəhər N.Gəncəvi adına 1 nömrəli tam orta məktəbində baş tutub. İmtahan Biləsuvarla yanaşı, Bakı və Gəncə şəhərlərində də keçirilib.

Müsabiqəyə ümumilikdə 800-ə yaxın şəxs qeydiyyatdan keçib, onlardan 538 nəfərin namizədliyi uyğun hesab edilib və imtahana dəvət olunub.

İmtahanda namizədlərə 50 sual təqdim edilib, hər sual 1 bal olaraq dəyərləndirilib.

Qeyd edək ki, yaxın günlərdə namizədlərə müsahibənin vaxtı və məkanı ilə bağlı məlumat göndəriləcək.