Lənkəranda "Qızıl payız" - FOTOREPORTAJ

Zəngin bitki örtüyünə malik Lənkəran rayonu payız fəslində daha da füsunkar görünüşə sahib olur. Burada təbiət bütün fəsillərdə özünəməxsus gözəlliyi ilə insana zövq verir. Xüsusən müxtəlif ağac və kollarla zəngin olan rayonun payız fəslində rəng çalarları göz oxşayır. Çünki əsrarəngiz təbiəti ilə seçilən Lənkəranda relikt və endemik bitkilər daha çoxdur. Zəngin flora və faunası ilə məşhur olan rayonda meşə örtüyünün əsasını "Qırmızı kitab"a daxil edilən ağac və kol cinsləri təşkil edir.

Ona görə də payız libasına bürünən təbiət əsrarəngizliyi ilə qəlbləri ovsunlayır, rənglərin harmoniyası isə göz qamaşdırır. Az qala bütün rəng çalarlarını özündə cəmləyən dəmirağacı isə ilin bu çağında daha cəlbedici görünüşə sahib olur, sanki hər guşədə bir tablo yaradır. Bununla da ana təbiətin dəyişkənliyi ilmə-ilmə, naxış-naxış işlənir.

"Report"un Cənub bürosu füsunkar təbiəti ilə göz oxşayan Lənkərandan fotoreportajı təqdim edir: