Güclü qar Cəlilabadda kənd təsərrüfatına ziyan vurub 

Cəlialabad rayonunda mart ayının axırı üçün xarakterik olmayan kəskin hava dəyişikliyi təsərrüfata ziyan vurub.

"Report"un Muğan bürosunun məlumatına görə, bir çox kəndlərə güclü qar yağması problemlər yaradıb.

Bu təbiət hadisəsi isə əsasən kənd təsərrüfatına, bağ və əkin yerlərinə təsir edib. Rayonun Şatırlı, Kövüzbulaq, Ləkin, Əsədli, Buravar və digər kəndlərində martın sonlarında yağan qar tezliklə 50 sm-i ötüb.

Kənd sakinlərinin sözlərinə görə, qarın yağması erkən ayılma mərhələsində olan ağacların bar verməsinə ciddi əngəl olub.

Həmçinin şaxta da çiçəklərin məhv olmasına səbəb olub.