ETSN-də Qarabağla bağlı xüsusi sektor yaradılıb

“Qubadlıda və Zəngilanda tut tingləri əkilib. Ora köçən adamlar baramaçılığın inkişafı üçün ondan istifadə edə biləcəklər. Qarabağda həssas məsələlərin öyrənilməsi ilə bağlı Ekologiya və Təbii Sərvətlər Nazirliyində xüsusi sektor yaradılıb”.

“Report” xəbər verir ki, bunu ekologiya və təbii sərvətlər nazirinin müavini Firdovsi Əliyev işğaldan azad olunmuş ərazilərdəki ekoloji durum, görülmüş və görüləcək işlərlə bağlı keçirilən brifinqdə deyib.

Onun sözlərinə görə, mənfur düşmənlər yaşadıqları evləri belə yandırıb gediblər: “Təsəvvür edin ki, həyətlərdəki ağaclar belə kəsilib, məhv edilib”.