Zəlimxan Yaqub: "İndi babatam"

Bakı. 11 sentyabr. REPORT.AZ/ Xalq şairi Zəlimxan Yaqub müalicəsini evdə davam etdirir.

Bu barədə "Report"a şair özü məlumat verib. O, Mərkəzi Klinik Xəstəxanada 4 gün müalicə aldığını bildirib: "Halım yaxşı deyildi. Mərkəzi Klinik Xəstəxanada 4 gün müalicə aldım. İndi evdəyəm. Müalicələrim evdə davam edir. Özümü babat hiss edirəm. Qidalanıram, gəzirəm. Oktyabrın 5-də yenidən Almaniyaya gedəcəm".

Xatırladaq ki, xalq şairi Zəlimxan Yaqub 2012-ci ilin əvvəlində Almaniyada cərrahiyyə əməliyyatı keçirib. Xalq şairinin hər iki böyrəyi çıxarılıb.

Şairin müalicəsinin xərclərini dövlət ödəyir.