Moldovada “Müasir Azərbaycan Ədəbiyyatı” antologiyasının təqdimatı olacaq

Kişinyov. 11 dekabr. REPORT.AZ/ "Gələn il Moldovanın paytaxtı Kişineu “Müasir Azərbaycan Ədəbiyyatı” antologiyasının təqdimatı keçiriləcək". 

Bunu “Report”un Şərqi Avropa bürosuna Moldova Azərbaycanlıları Konqresinin sədri Vüqar Novruzov deyib.

O, 2017-ci ili Azərbaycan diasporu üçün uğurlu hesab edir: “Bu il də bir çox layihələr həyata keçirdik, onlar tarixə düşəcək layihələrdir. Bunlardan Moldovanın Sıncerey şəhərində Moldova və Azərbaycan xalqlarının dostluğunu təcəssüm etdirən "Dostluq qapısı” abidəsinin təntənəli açılışını, Elçin Əfəndiyev və Çingiz Abdullayevin kitablarının və “Müasir Azərbaycan Ədəbiyyatı” antologiyasının rumın dilinə tərcüməsini qeyd edə bilərəm".