Bakı. 23 noyabr. REPORT.AZ/ Cümə axşamı Dominikan Respublikasında göyərtəsində 6 nəfərin olduğu yerli turizm şirkətindən birinə məxsus vertolyot radarlardan itib.
“Report” TASS-a istinadən xəbər verir ki, bu barədə "Listin Diario" qəzeti yazıb.
Nəşrin məlumatına görə, vertolyot ölkənin şimalında yerləşən Rio-San-Xuan şəhərindən havaya qalxdıqdan sonra dispetçerlərlə əlaqəsi kəsilib. Helikopterdə pilot və beş turist olub.
Hazırda vertolyotun axtarışı üzrə əməliyyata başlanılıb.
Bundan əvvəl Çində vertolyot qəzası nəticəsində iki nəfər xəsarət alıb.