CONMEBOL-un Argentina millisinə ödədiyi mükafatın məbləği bəlli olub

Cənubi Amerika Futbol Konfederasiyasının (CONMEBOL) Qətərdəki dünya çempionatında qalib olduqları üçün Argentina millisinə ödədiyi mükafatın məbləği bəlli olub.

"Report"un məlumatına görə, bu barədə qurumun prezidenti Alexandro Dominges rəsmi tviter səhifəsində paylaşım edib.

Komanda final qarşılaşmasından sonra paltardəyişmə otağında 10 milyon ABŞ dolları alıb.

Qeyd edək ki, "tanqoçular" finalda Fransa yığmasını məğlub edib. Argentina seçməsi daha əvvəl 1978 və 1986-cı illərdə titula sahib çıxıb.