Bakıda “Hərbi vətənpərvərlik: Silahlı Qüvvələrimiz və milli-mənəvi dəyərlərimiz” mövzusunda konfrans keçirilib

Bakı. 22 iyun. REPORT.AZ/ Dini Qurumlarla İş üzrə Dövlət Komitəsinin (DQİDK) təşkilatçılığı ilə “Hərbi vətənpərvərlik: Silahlı Qüvvələrimiz və milli-mənəvi dəyərlərimiz” mövzusunda konfrans keçirilib.

“Report”un məlumatına görə, tədbirdə Dövlət Komitəsinin rəhbər şəxsləri, Silahlı Qüvvələrin şəxsi heyəti, Azərbaycanda fəaliyyət göstərən dini konfessiyaların nümayəndələri, eləcə də gənclər iştirak ediblər.

Konfransda Azərbaycanın suverenliyi və ərazi bütövlüyü uğrunda şəhid olmuş hərbi qulluqçuların xatirəsinə həsr olunmuş “Şəhadət” sənədli filmi nümayiş olunub.

Tədbirdə hərbi vətənpərvərlik hissininin gücləndirilməsi ilə bağlı görülən işlərdən bəhs edilib.