Azərbaycanda Qurban bayramı namazının vaxtı açıqlanıb

Bakı. 14 avqust. REPORT.AZ/ Azərbaycanda Qurban bayramı namazının vaxtı açıqlanıb.

“Report” xəbər verir ki, bayram namazı avqustun 22-si saat 08:00-da Bakının Əjdərbəy məscidində, saat 09:00-da isə Təzəpir  məscidində qılınacaq.

Eyni zamanda, Azərbaycanın bütün məscidlərində Qurban bayramı namazı qılınacaq. 

Qafqaz Müsəlmanları İdarəsinin sədri şeyxülislam Allahşükür Paşazadə bayram namazını Təzəpir məscidində qılacaq.

Qeyd edək ki, Qurban bayramı ilə əlaqədar Azərbaycanda avqustun 22-si və 23-ü qeyri-iş günüdür.