Yuri Uşakov: Uitkoff növbəti həftə Moskvaya gələcək

ABŞ Prezidentinin xüsusi elçisi Stiv Uitkoffun növbəti həftə Moskvaya gəlməsi ilə bağlı ilkin razılıq əldə edilib.

"Report" xəbər verir ki, bunu Rusiya Prezidentinin köməkçisi Yuri Uşakov bildirib.

"Stiv Uitkoff və administrasiyanın Ukrayna məsələləri ilə əlaqəsi olan bir sıra nümayəndələri gələcək", - prezidentin köməkçisi qeyd edib.

Y.Uşakov qeyd edib ki, ABŞ ilə münasibətlər qurulur, lakin proses "çətin" gedir: "Onlar (Rusiya və ABŞ münasibətləri) çətin qurulur. Münasibətlər təmaslar, o cümlədən telefon vasitəsilə qurulur".