Zelenski mümkün ərazi güzəştlərindən danışıb

Ukrayna prezidenti Volodimir Zelenski Rusiya ilə münaqişə çərçivəsində ərazi mübahisələrinin həllinin çətinliyindən danışıb.

“Report” xəbər verir ki, bu barədə onun “istəyənlər koalisiyası”nın virtual sammitində iştirakdan sonra çıxışına istinadən “The Daily Telegraph” məlumat yayıb.

Ukrayna lideri vurğulayıb ki, ilhaq edilmiş rayonların statusu məsələsi danışıqlarda ətraflı müzakirə tələb edir, lakin Kiyevin mövqeyi dəyişməz olaraq qalır.

“Ukrayna heç vaxt Krımı, Xerson və Zaporojye vilayətlərini, həmçinin Donetsk və Luqanskın Rusiyanın bir hissəsi kimi tanımayacaq”.