Zelenski bu gecə Rusiya Silahlı Qüvvələrinin Ukraynaya kütləvi zərbəsini istisna etməyib

Ukrayna Prezidenti Volodimir Zelenski iyulun 29-dan 30-na keçən gecə ölkə ərazisinə Rusiyanın kütləvi zərbə endirməsi ehtimalının yüksək olduğunu bildirib.

"Report" xəbər verir ki, o bu barədə öz "Telegram" kanalında Ukrayna Silahlı Qüvvələrinin Hərbi Hava Qüvvələri komandanı Anatoli Krivonojkonun məruzəsinin yekunlarına əsasən bildirib.

"Rusiya qoşunları bir neçə gün əvvəl kütləvi zərbəyə hazırlaşıblar və məhz bu gecə onun endirilməsi ehtimalı yüksəkdir", - Zelenski qeyd edib.

Bu kontekstdə Ukrayna lideri tərəfdaşlarına mülki əhalinin müdafiəsinin birbaşa asılı olduğu hava hücumundan müdafiənin gücləndirilməsi, xüsusən də "Patriot" üçün raketlərin tədarükü zərurətini bir daha xatırladıb.