Yunanıstanda mason lojasının mənzil-qərargahı qarşısında partlayış törədilib

İyulun 13-də Yunanıstanın paytaxtı Afinada mason lojasının mənzil-qərargahı qarşısında partlayış törədilib.

“Report” “newsru.co”ya istinadən xəbər verir ki, bu barədə yerli polis əməkdaşları bildirib.

Məlumata görə, xəsarət alan olmayıb, binaya ziyan dəyib. Bildirilib ki, hadisə yerinə cəlb edilən sapyorlar daha bir minanı zərərsizləşdiriblər.

Şahidlər bildirib ki, hadisə yerindən qaçan kişi “masonlara lənət” deyə qışqırırmış.

Partlayışı törədən tutulmayıb.