Yeni Zelandiya parlamenti karantin səbəbindən fəaliyyətini dayandırıb

Yeni Zelandiya parlamenti ölkədə qüvvədə olan karantin səbəbindən fəaliyyətini 1 həftəlik müddətə müvəqqəti dayandırıb.

“Report” “RİA Novosti”yə istinadən xəbər verir ki, bu barədə ölkənin baş naziri Casinda Ardern məlumat verib.

Daha əvvəl o, “delta” ştamının yayılması səbəbindən qapanma müddətinin bütün ölkə ərazisində avqustun 27-dək, Oklend ştatında isə ayın sonunadək uzadıldığını bəyan etmişdi.

Ardern bildirmişdi ki, qapanma dövrü ərzində insanlar evlərini tərk etməməlidirlər. İnsanların gündə yalnız 1 dəfə hava almaq üçün evdən çıxmasına icazə verilir.