​Yəməndə 540 nəfər həlak olub

Bakı. 8 aprel. REPORT.AZ/ Ümumdünya Səhiyyə Təşkilatının (ÜST) yaydığı məlumata görə, son həftələr Yəməndə baş verən toqquşmalarda təqribən 540 nəfər həlak olub, 1700 nəfər xəsarət alıb.

"Report" xəbər verir ki, bu barədə BMT-nin Cenevrədəki ofisində keçirilən mətbuat konfransında ÜST-nın mətbuat katibi Kristian Lindmayer bildirib.

YUNİSEF-in Uşaq Fondunun mətbuat katibi Kristof Buyera öz növbəsində qeyd edib ki, ölkədə gedən münaqişə səhiyyə sisteminə, vaksinlərin və içməli suyun əldə olunmasına təsir göstərir.

"Yüz minlərlə insan öz evini tərk edib", - deyə Buyera qeyd edib.