Bakı 12° C
https://static.report.az/photo/2f441bd2-eb16-3cf5-bd85-d21f5e71cc04.jpg
Yaponiyanın sui-qəsdə məruz qalan keçmiş Baş naziri Sindzo Abe vəfat edib.
“Report” TASS-a istinadən xəbər verir ki, bu barədə Yaponiyanın NHK televiziyası məlumat yayıb.
Yaponiyanın hakim Liberal Demokrat Partiyasının nümayəndəsinin sözlərinə görə, S.Abe Nara prefekturasındakı xəstəxanada dünyasını dəyişib.
Yaponiyanın sui-qəsdə məruz qalan keçmiş Baş naziri Sindzo Abenin son durumu açıqlanıb.
“Report” “Sky News”a istinadən xəbər verir ki, onun vəziyyəti barədə ölkənin müdafiə naziri Nabuo Kisi məlumat verib.
Nazir keçmiş hökumət başçısının səhhətinin ağır olduğunu və ona qan köçürüldüyünü söyləyib.
Həmçinin S.Abeyə atəş açan 41 yaşlı Tetsuya Yamaqaminin polisə verdiyi ilkin ifadəsi mətbuata sızıb. O, müstəntiqlərə ifadəsində sabiq Baş nazirin siyasətindən narazı olduğunu və onu öldürmək istədiyini bildirib.
Yaponiyanın sui-qəsdə məruz qalan keçmiş Baş naziri Sindzo Abenin vəfat etməsi xəbəri təsdiqini tapmayıb.
“Report”un TASS-a istinadən verdiyi xəbərə görə, ölkənin hazırkı hökumət başçısı Fumio Kişida bildirib ki, S.Abenin durumu ağırdır.
F.Kişida hadisəni qətiyyətlə pisləyib: “Seçki kampaniyası zamanı belə hərəkətin edilməsi vəhşilikdir. Bu, tamamilə qəbuledilməzdir. Sui-qəsd cəhdi ən sərt şəkildə pislənməlidir”.
Hökumət başçısı həmçinin bildirib ki, sui-qəsd cəhdi ilə əlaqədər olaraq iyulun 10-da keçirilməsi nəzərdə tutulan parlament seçkilərinin taleyi barədə heç bir qərar qəbul edilməyib.
Yaponiyanın hakim Liberal Demokrat Partiyası (LDP) Ş.Abeyə sui-qəsd cəhdinə görə bütün namizədlərdən seçkiqabağı təşviqat kampaniyasını dayandırmağı xahiş edib. Namizədlərə xüsusilə küçə nümayişlərindən çəkinmələri barədə xəbərdarlıq olub.
Yaponiyanın silahlı hücuma məruz qalan sabiq Baş naziri Sindzo Abe vəfat edib.
“Report” xəbər verir ki, bu barədə Yaponiya KİV-i məlumat yayıb.
Ölkənin “Nihon” telekanalının xəbərinə görə, keçmiş hökumət başçısına atəş açan şəxs 41 yaşlı Tetsuya Yamaqamidir. O, əvvəllər Yaponiyanın Dəniz Özünümüdafiə Qüvvələrində xidmət edib.
Məlumata görə, T.Yamaqami S.Abeyə sui-qəsd etdikdən dərhal sonra saxlanılıb. Hazırda polis onu dindirir.
Yaponiyanın Nara şəhərində ölkənin sabiq Baş naziri Sindzo Abeyə çıxışı zamanı naməlum şəxs tərəfindən hücum edilib.
“Report” xəbər verir ki, bu barədə NHK agentliyi məlumat yayıb.
Bildirilib ki, Sindzo Abe xəsarət alıb. Məlumata görə, hadisə yerində azı iki atəş səsi eşidilib.
Vurğulanıb ki, S.Abe huşsuz vəziyyətdə xəstəxanaya qaldırılıb.
Xəbərə görə, 68 yaşlı siyasətçiyə hücum edən şəxs saxlanılıb.
Qeyd edək ki, Sindzo Abe 2006-2007-ci illərdə və 2012-2020-ci illərdə Baş nazir vəzifəsində çalışıb. O, ölkə tarixinin ən uzunmüddətli baş naziri olub.
Video footage of the first shot
— Nick Kapur (@nick_kapur)
