Yaponiyada qənnadı fabrikində partlayış baş verib

Bakı. 8 mart. REPORT.AZ/ Yaponiyanın Fukusima prefekturasında yerləşən qənnadı fabrikində baş verən partlayış nəticəsində 1 nəfər ölüb.

"Report" xəbər verir ki, bu barədə "Kiodo" agentliyi məlumat yayıb.

Polisin məlumatına görə, partlayış zamanı yanğın baş verməyib. Həmçinin fabrikin bir qadın əməkdaşı yaralanıb.

Polis hadisənin səbəblərini araşdırır.