Vyetnamda daşqınlar nəticəsində ən azı 14 nəfər ölüb və ya itkin düşüb

Vyetnamın şimalındakı Dyenbyen əyalətində uzunsürən yağışların səbəb olduğu daşqınlar nəticəsində ən azı 14 nəfər ölüb və ya itkin düşüb.

Bu barədə “Report” Vyetnam mediasına istinadən məlumat verir.

Mənbə bildirib ki, cümə axşamı bir neçə saat davam edən güclü yağışlardan sonra suyun səviyyəsi kəskin qalxıb ki, bu da daşqınlara və torpaq sürüşmələrinə səbəb olub.

Daşqın nəticəsində 128 evə ziyan dəyib, bir neçə rayonda nəqliyyat əlaqəsi və enerji təchizatında problem yaranıb. Ərazidə davam edən güclü yağışlar səbəbindən xilasetmə işləri çətinləşib.