Kiyevin mərkəzində terror aktının qarşısı alınıb

Ukraynanın Dövlət Təhlükəsizlik Xidməti (DTX) Kiyevin mərkəzində terror aktı cəhdinin qarşısını alıb.

“Report” xəbər verir ki, bu barədə DTX-nın mətbuat xidmətinə istinadən "RBC-Ukraina" məlumat yayıb.

Məlumata görə, iyulun 23-də axşam saatlarında bir qadın kafedə əldəqayırma iki partlayıcı qurğu yerləşdirmək istəyib.

Ukrayna DTX terror aktının hazırlanmasında Rusiya xüsusi xidmət orqanlarının əli olduğunu bildirib. Əlavə edilib ki, şübhəli şəxs əldəqayırma partlayıcı qurğu olan çanta ilə kafeyə daxil olduğu an saxlanılıb.