Türkiyədə toy mərasiminə silahlı hücum olub, ölən və yaralananlar var

Bakı. 29 yanvar. REPORT.AZ/ Türkiyənin paytaxtı Ankara şəhərində, Konya yolu üzərindəki oteldə keçirilən kiçik toy mərasiminə silahlı hücum baş verib.

"Report"un məlumatına görə, bu barədə "Habertürk" xəbər yayıb.

Məlumatda bildirilir ki, naməlum şəxslər mərasimdə iştirak edən qonaqlara odlu silahdan atəş açıb. Nəticədə 2 nəfər ölüb, daha 2 nəfər xəsarət alıb.

Yaralananlar xəstəxanaya yerləşdiriliblər. Onların vəziyyətinin ağır olduğu bildirilir.

Polis cinayətkarların yaxalanması məqsədilə əməliyyata başlayıb.