Tramp: ABŞ HƏMAS-a qarşı əməliyyatlarda birbaşa iştirak etməyəcək

ABŞ Qəzza zolağında Fələstinin radikal HƏMAS hərəkatına qarşı hərbi əməliyyatlarda birbaşa iştirak etməyəcək; bununla regional oyunçular məşğul olacaq.

"Report"un məlumatına görə, bu mövqeyi ABŞ prezidenti Donald Tramp Ağ Evdə jurnalistlərlə görüşü zamanı açıqlayıb.

O, "HƏMAS"a qarşı mümkün hərbi əməliyyatları müzakirə edərkən deyib:

"Kimsə Fələstin anklavına girəcək, lakin bu, biz olmayacağıq. Orada çox yaxında insanlar var və onlar bunu çox asanlıqla idarə edə bilirdilər".

O, belə addımların ABŞ-nin himayəsi altında həyata keçiriləcəyini də qeyd edib.