“Taliblər” Əfqanıstanın keçmiş prezidentinin qardaşını həbs edib

Əfqanıstanın keçmiş prezidenti Həmid Kərzainin qardaşı Mahmud Kərzai Kabilin Beynəlxalq Hava Limanında “Talibançılar” tərəfindən həbs edilib.

"Report" xəbər verir ki, bu barədə “Afghanistan International” telekanalı məlumat yayıb.

Məlumata görə, Mahmud Kərzai Dubaya uçmaq istəyərkən həbs olunub.

Qeyd edək ki, Mahmud Kərzai bundan əvvəl əvvəlki hökumətdə şəhərsalma naziri postunu tutub.

“Taliban” onun həbsi ilə bağlı xəbəri hələlik şərh etməyib.