Tailandda daşqınlar nəticəsində 25 nəfər həlak olub

Tailandın cənubunda baş verən daşqınlar nəticəsində azı 25 nəfər həlak olub.

“Report” TASS-a istinadən xəbər verir ki, bu barədə “Bangkok Post” qəzeti məlumat yayıb.

Məlumata görə, cənub əyalətlərində leysan yağışları təxminən 3,7 min yaşayış məntəqəsinin su altında qalmasına səbəb olub. Ümumilikdə 660 mindən çox ev təbii fəlakətdən zərər çəkib.

Bildirilib ki, daşqından zərər çəkən əyalətlər Tailandın məşhur turist marşrutlarından uzaqda yerləşir.