Yuxarı

Suriyanın Hüms şəhəri silahlılar tərəfindən atəşə tutulub: - 7 ölü, 14 yaralı

Hökumət qüvvələri cavab atəşi açmayıb

Bakı. 16 sentyabr. REPORT.AZ/ Suriyanın şimalındakı Hüms şəhərinin silahlı qruplaşmalar tərəfindən atəşə tutulması zamanı 7 nəfər həlak olub, 14 nəfər yaralanıb.

"Report" "RİA Novosti"yə istinadən xəbər verir ki, bu barədə Suriya hökumət qüvvələrinin zabiti məlumat yayıb.

Onun sözlərinə görə, yaşayış məntəqəsi minatanlardan, atıcı silahlardan və reaktiv sistemlərdən yaylım atəşinə məruz qalıb. Şəhərin Tesnin, Tayr-Maala, Kafer-Nan, Kormos və digər yaşayış məntəqələrinin atəşə tutulması zamanı bir neçə mülki sakin xəsarət alıb.

Suriyanın hökumət qüvvələri cavab atəşi açmayıb. Ordu zabiti bunu atəşkəsə riayət etməsi ilə əsaslandırıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi