Suriya Əs-Suveydaya xüsusi təyinatlılar göndərməyə hazırlaşır

Suriya hakimiyyəti ölkənin cənubundakı Əs-Suveyda əyalətinə xüsusi təyinatlılar göndərməyə hazırlaşır.

"Report"un xəbərinə görə, bunu Suriyanın keçid dövrü üzrə prezidenti Əhməd əl-Şaraa deyib.

"Suriya rəhbərliyi Əs-Suveydada hərbi əməliyyatları dayandırmaq üçün hər cür səy göstərir və bununla əlaqədar ərazidə silahlı münaqişələrə son qoymaq üçün tezliklə ora xüsusi təyinatlılar göndərməyi planlaşdırır", - Əl-Şaraa ofisinin teleqram kanalında dərc etdiyi məlumatda deyilir.

Suriya televiziyası öz növbəsində mənbələrə istinadən xəbər yayıb ki, təhlükəsizlik qüvvələri ölkənin müvəqqəti prezidentinin göstərişinə uyğun olaraq artıq Əs-Suveydaya göndərilmək üçün bölmələr hazırlayır.