Sudanın paytaxtı Xartumda atışma olub

Sudan polisi naməlum şəxslərin atəş açmasından sonra Xartum universiteti ərazisini mühasirəyə alıb.

"Report" RİA "Novosti"yə istinadən xəbər verir ki, bu barədə şənbə günü axşam "Al-Arabiya" ümumərəb telekanalı məlumat yayıb.

Daha əvvəl Sudanda hərbi çevriliş baş verib. Ölkə prezidenti Ömər əl-Bəşir nəzarətə götürülüb. Ölkənin müdafiə naziri Avad ibn Auf cümə axşamı iki il ərzində ölkəni idarə edəcək Hərbi Şuranın yaradıldığını bəyan edib.