Şri-Lankada terror aktları işi üzrə saxlanılanların sayı 76 nəfərə çatıb

Şri-Lankada 359 nəfərin ölümü ilə nəticələnən terror aktları işi üzrə şübhəli şəxs kimi saxlanılanların sayı artıb.

"Report" TASS-a istinadən xəbər verir ki, bu barədə "Ada Derana" portalı məlumat yayıb.

Məlumata görə, terror aktlarının törədilməsində şübhəli bilinənlərin sayı 76 nəfərə çatıb.

Daha əvvəl 60 nəfərin saxlanıldığı bildirilirdi.

Aprelin 21-də Şri-Lankada ölkə tarixində ən böyük silsilə terror aktları törədilib. Kolombo, Neqombo və Battikaloa şəhərlərində səkkiz partlayış baş verib. Hadisə zamanı ümumilikdə 359 nəfər həlak olub. Hücumları Şri-Lanka vətəndaşları olan kamikadzelər təşkil edib.