Somalidə partlayış törədilib, ölən və yaralananlar var

Somalinin mərkəzindəki Beledveyn şəhərində bomba yüklü avtomobilin partladılması zamanı ilkin məlumata görə, azı 10 nəfər ölüb, çoxlu sayda yaralı var.

Bu barədə “Report” xarici mətbuata istinadən xəbər verir.

Bununla belə, qeyd edilir ki, ölənlərin sayı hələ dəqiq deyil. Hadisə qurbanlarının sayının artacağı istisna olunmur.

Hücuma görə məsuliyyəti heç bir qruplaşma üzərinə götürməyib.