Şimali Koreya hərbçiləri Cənubi Koreya sərhədini pozub, xəbərdarlıq atəşi açılıb

Koreya Xalq Demokratik Respublikasının (KXDR) hərbçiləri demarkasiya xəttini pozub, nəticədə Cənubi Koreya əsgərləri xəbərdarlıq atəşi açıb.

"Report" xəbər verir ki, bu barədə "Reuters" məlumat yayıb.

Məlumata görə, demarkasiya xəttini təxminən 10-a yaxın Şimali Koreya əsgəri pozub.

Xəbərdarlıq atəşindən sonra onlar geri qayıdıblar.

"Biz şimali koreyalı hərbçilərin addımlarını diqqətlə izləyirik və əməliyyat prosedurlarına uyğun olaraq zəruri tədbirlər görürük", - Birləşmiş Qərargah Rəisləri Komitəsindən bildirilib.