Cənubi Koreya ukraynalı hərbçilərin reabilitasiyası üçün 24 milyon dollar ayıracaq

Cənubi Koreya ukraynalı hərbçilərin reabilitasiyası üçün 24 milyon dollar ayıracaq.

"Report" xəbər verir ki, bunu Cənubi Koreya Prezidenti Yun Sok Yol NATO-nun Vaşinqtonda keçirilən sammiti çərçivəsində Ukraynaya dəstəyin müzakirə olunduğu tədbirdə deyib.

“Cənubi Koreya Ukraynaya təhlükəsizlik, humanitar və yenidənqurma sahələrində yardım göstərməyə davam edəcək, biz gələn il maddi vəsaitin həcmini iki dəfə artıracağıq”, - Yun Sok Yol bildirib.

Qeyd edək ki, 2024-cü ildə bu məqsədlər üçün 12 milyon dollar ayrılıb, gələn il məbləğ 24 milyon dollar olacaq.