Səudiyyə Ərəbistanının Cizan bölgəsində dron hücumu nəticəsində iki nəfər yaralanıb

Husilərin Səudiyyə Ərəbistanının cənubundakı Cizan bölgəsinin Əl-Taval əyalətinə dron hücumu nəticəsində iki nəfər yaralanıb, məscidə, bir neçə evə və avtomobilə ziyan dəyib.

"Report"un məlumatına görə, bu barədə Səudiyyə Ərəbistanının Mülki Müdafiə Xidmətinin "X" sosial şəbəkəsindəki açıqlamasında bildirilir.

Xidmət mülki hədəflərə endirilən zərbələri beynəlxalq humanitar hüququn kobud şəkildə pozuntusu kimi qiymətləndirib və əlavə edib ki, hakimiyyət orqanları bu cür hadisələr üçün müəyyən olunmuş prosedurları tətbiq edib.

Daha əvvəl Səudiyyə Ərəbistanının Xarici İşlər Nazirliyi dron hücumu nəticəsində "Şərq-Qərb" neft boru kəmərinin işinin dayandırıldığını açıqlayıb.