Qrossi sabah AEBA-nın İranla bağlı təcili iclasını çağırıb

Sabah Atom Enerjisi üzrə Beynəlxalq Agentliyin (AEBA) Rəhbərlər Şurasının İran ətrafındakı vəziyyətlə bağlı təcili iclası keçiriləcək.

"Report" xəbər verir ki, bu barədə AEBA-nın baş direktoru Rafael Qrossi deyib.

“İrandakı fövqəladə vəziyyətlə əlaqədar mən AEBA-nın Rəhbərlər Şurasının fövqəladə iclasını çağırıram”, - o, bildirib.

Bundan əvvəl Tehran ABŞ-nin İranın Fordo, Natanz və İsfahandakı nüvə obyektlərinə endirdiyi zərbələrdən sonra Atom Enerjisi üzrə Beynəlxalq Agentliyin (AEBA) Rəhbərlər Şurasının təcili iclasını çağırıb.