Qəzzanın Səhiyyə Nazirliyi: 2023-cü ilin oktyabrından bəri ölən fələstinlilərin sayı 39 minə yaxınlaşıb

2023-cü ilin oktyabr ayının əvvəlindən İsrail hərbi qüvvələrinin əməliyyatları nəticəsində 39 minə yaxın fələstinli ölüb, 90 minə yaxın insan isə yaralanıb.

“Report” xəbər verir ki, bu barədə Qəzza sektorunun Səhiyyə Nazirliyi məlumat yayıb.

“İsrail qüvvələrinin Qəzza zolağını davamlı bombardman və top atəşi altında saxlaması nəticəsində 38 983 fələstinli ölüb, 89 727 nəfər isə yaralanıb”, - məlumatda deyilir.

Qurumun məlumatına görə, təkcə son sutka ərzində İsrail qüvvələrinin Qəzzanın müxtəlif bölgələrinə hücumları zamanı 64 nəfər ölüb, 105 nəfər yaralanıb.