Bakı. 4 dekabr. REPORT.AZ/ Naməlum maskalı şəxslər Misirin paytaxtı Qahirədə gecə klubuna kustar üsullarla hazırlanmış partlayıcı yanar şüşə butılkalar - "Molotov kokteyli" atıb. "Report" "RİA Novosti"yə istinadən xəbər verir ki, hadisə nəticəsində 18 nəfər ölüb, 5 nəfər yaralanıb.
"Masravi" xəbər portalının məlumatına görə, hadisə el-Nil küçəsində, "Şəhrizad" hotelinin yaxınlığında baş verib.
İlkin məlumatlara görə, ölən və yaralananların hamısı yerli sakinlərdir. Yanğın yerində xilasedicilər işləyir.