Polşada mədəndə bir işçi həlak olub - YENİLƏNİB

Polşanın Radlin şəhərindəki Marcel kömür mədənində 800 metr dərinlikdə güclü yeraltı təkan nəticəsində bir şaxtaçı həlak olub.

“Report” xəbər verir ki, bu barədə Polşa mətbuatı məlumat yayıb.

Bildirilib ki, hadisənin baş verdiyi zonada 29 nəfər olub, onlardan 11-i xəsarət alıb və həyatları üçün təhlükə yoxdur.

12:50

Polşanın cənubunda yerləşən Radlindəki daş kömür mədənində yerin 800 metr dərinliyində güclü yeraltı təkan baş verib.

“Report” xəbər verir ki, bu barədə RMF FM radiostansiyası məlumat yayıb.

"Dövlət Mədən İdarəsinin dispetçerinin təsdiqlədiyi ilkin məlumata görə, ən azı 6 nəfər xəsarət alıb. Xilasetmə əməliyyatı davam edir", - məlumatda qeyd olunub.

Fövqəladə hadisə zonasında 29 nəfərin olduğu bildirilir.