Polşa eks-prezidentin təyyarə qəzasının səbəblərini araşdıran komissiyanı ləğv edib

Polşanın Müdafiə Nazirliyi 2010-cu ildə Rusiyanın Smolensk şəhəri yaxınlığında keçmiş Prezident Lex Kaçinskinin təyyarəsinin qəzaya uğramasının səbəblərini araşdıran komissiyanı ləğv edib.

“Report” xarici KİV-ə istinadən xəbər verir ki, bu barədə ölkənin yeni müdafiə naziri Vladislav Kosinyak-Kamış bildirib.

“Yaxın vaxtlarda ləğv edilmiş komissiyanın fəaliyyətinin bütün aspektlərini təhlil etmək üçün xüsusi qrup yaradılacaq”, - müdafiə nazirinin bəyanatında deyilir.

Müdafiə nazirinin müavini Sezar Tomçik isə bildirib ki, komissiyanın ləğvi qəzanın təhqiqatı ilə heç bir əlaqəsi olmayan fəaliyyətlərə səmərəsiz vəsait israfına son qoyulması deməkdir.