Panama bayrağı altında üzən 128 gəminin qeydiyyatı sanksiyalara görə ləğv edilir

Panama ABŞ-nin sanksiyaları səbəbindən 128-dən çox gəminin qeydiyyatını ləğv edir.

“Report” xəbər verir ki, bu barədə “Bloomberg” Panama Ticarət Donanması İdarəsinin rəhbəri Ramon Frankoya istinadən bildirib.

Onun sözlərinə görə, artıq ən azı 70 tankerin qeydiyyatı ləğv edilib.

İdarə rəhbəri qeyd edib ki, Panama reyestri dünyanın ən böyük reyestrlərindən biridir və Panama bayrağı altında 8 mindən çox gəmi üzür.

Daha əvvəl verilən məlumata görə, ABŞ Panama kanalında Çinin təsirini əhəmiyyətli dərəcədə azaltmaq üçün Panamada hərbi mövcudluğunu gücləndirə bilər.