Pakistanda polisin radikallarla toqquşması nəticəsində 8 nəfər ölüb

Pakistanın Pəncab vilayətində polisin “Təhrik-i-Ləbbeyk Pakistan” (TLP) radikal təşkilatı fəalları ilə toqquşması nəticəsində 8 nəfər ölüb.

“Report” TASS agentliyinə istinadən xəbər verir ki, ölənlərdən 4-nün hüquq-mühafizə orqanlarının əməkdaşları olduğu bildirilir.

Toqquşmalar TLP tərəfdarlarının təşkilatın rəhbəri Səad Hüsseyn Rizvini həbsxanadan azad etmək tələbi ilə Pakistan paytaxtına yürüşünə imkan verməmək cəhdlərindən sonra baş verib.