Pakistanda polis məntəqəsi yaxınlığında partlayış olub, 5 nəfər ölüb, 13 nəfər yaralanıb

Pakistanın Bannu şəhərində polis məntəqəsi yaxınlığında baş verən partlayış nəticəsində 5 nəfər ölüb, 13 nəfər yaralanıb.

"Report" xəbər verir ki, bu barədə "Dawn" portalı məlumat yayıb.

Yaralananlar arasında bir polis əməkdaşı var.

Məlumata görə, partlayış partlayıcı maddələrlə doldurulmuş avtomobilin polis məntəqəsinin arxa divarına çırpılması zamanı baş verib. Güclü partlayış nəticəsində polis məntəqəsinin divarı uçub və binanın içərisində şüşələr sınıb, həmçinin yaxınlıqdakı evlər zədələnib. Eyni zamanda, mülki əhali arasında itkilərə səbəb olub.

Axtarış-xilasetmə əməliyyatları davam edir.