Pakistanda gömrük binasına hücum nəticəsində 6 nəfər ölüb

Pakistanın Bəlucistan əyalətində sentyabrın 1-nə keçən gecə gömrük binasına hücum baş verib, nəticədə təhlükəsizlik qüvvələrinin və gömrük xidmətinin 6 əməkdaşı həlak olub.

"Report" DAWN-a istinadən xəbər verir ki, bu barədə Qurumlararası İctimaiyyətlə Əlaqələr Xidmətinin (ISPR) bəyanatında bildirilib.

Məlumata görə, hücum Çaqay dairəsinin Nokçe rayonunda baş verib.

Bəyanata əsasən, Nokçedə və Pişin dairəsinin Ziarat-Kross ərazisindəki toqquşmalar zamanı daha 11 yaraqlı öldürülüb.