NBC: Demokratlar sui-qəsd cəhdinin Trampın qalib gəlmə şansını artırdığına inanırlar

Bəzi demokratlar hesab edir ki, ABŞ-ın keçmiş prezidenti Donald Trampa sui-qəsd onun prezident seçkilərində qalib gəlmək şansını artırıb.

“Report” xəbər verir ki, bu barədə “NBC” mənbələrinə istinadən məlumat yayıb.

Demokrat Partiyasının məsləhətçisi lakonik olaraq deyib: “Prezidentlik yarışı dünən axşam başa çatdı”.

“NBC” qeyd edib ki, qərarsız seçicilər çox güman ki, “rəğbətlə” Trampa səs verəcəklər. Digər tərəfdən ABŞ prezidenti Cozef Baydenin debatdakı fəlakətli çıxışı və Demokratlar Partiyasındakı qarışıqlıq respublikaçıların xeyrinədir.