NATO baş katibi: "Polşa, Estoniya, Litva və Latviyaya min hərbçidən ibarət tabor göndəriləcək"

Bakı. 15 iyun. REPORT.AZ/ NATO Polşa, Estoniya, Litva və Latviyada 4 min hərbçi yerləşdirəcək.

“Report” “Milliyet” qəzetinə istinadən xəbər verir ki, bu barədə Alyansa üzv ölkələrin müdafiə nazirlərinin Brüssel şəhərində keçirilmiş görüşündə qərar qəbul olunub.

NATO baş katibi Yens Stoltenberq bildirib ki, hər bir ölkəyə min hərbçidən ibarət tabor göndəriləcək: “Alyans şərqdə mövcudluğunu artırmağa qərar verdi. Bu taborlar ABŞ, Böyük Britaniya, Almaniya və Kanada hərbçilərindən formalaşdırılacaq. Həmin dövlətlər “soyuq müharibə”dən sonra qurulmuş ən böyük hərbi ittifaqdan razıdırlar və Rusiya təhlükəsinə qarşı hərbçilərin sayının artırılmasını istəyirlər".