Naməlum silahlı şəxslər Boliviyadakı Venesuela səfirliyini atəşə tutub

Yanvarın 26-da, səhər saatlarında Venesuelanın Boliviyadakı səfirliyi naməlum şəxslər tərəfindən atəşə tutulub və binanın fasadına ziyan dəyib.

“Report” xəbər verir ki, bu barədə Boliviyanın xarici işlər naziri Selinda Sosa məlumat verib.

O, Boliviya hakimiyyətinin Venesuela diplomatlarının hüquq və toxunulmazlığını pozan bu vandalizm aktlarını qətiyyətlə pislədiyini bildirib.

Sosa həmçinin qeyd edib ki, hadisə ilə bağlı müvafiq orqanlar araşdırma aparır.