Moskva Tehran və Vaşinqtonun nüvə danışıqlarına qoşula bilər

Rusiya Prezidenti Vladimir Putin lazım gəldikdə İran və ABŞ arasında Tehranın nüvə proqramı ilə bağlı danışıqlara qoşulmağa hazır olacaq.

“Report” Rusiya mətbuatına istinadən xəbər verir ki, bunu ölkə Prezidentinin mətbuat katibi Dmitri Peskov jurnalistlərə bildirib.

"Lazım olduqca. Bu, yaşadığımız günlərdə baş verən bir prosesdir. Bilirsiniz ki, müxtəlif kanallar vasitəsilə həm Tehran, həm də Vaşinqtonla dialoq davam edir. Buna görə də lazım olduqca prezident də, Rusiya tərəfi də prosesə qoşula biləcək", - o vurğulayıb.